Un proxecto para vencellar os/as cidadáns/ás
e á súa contorna urbana
a través das EMOCIÓNS

O proxecto Urbanismo emocional parte da idea de mirar os espazos comúns para os habitantes da vila que son á vez particulares de cada un. Esta particularidade vén dada polas vivencias asociadas a eses percorridos cotiás que enchen de vida e significado a realidade de cada veciño e veciña e que, ao ser compartidos, crean comunidade.

É importante que os espazos comúns que compoñen o urbanismo dun pobo (as súas rúas, prazas, xardíns,…) non perdan de vista a relación dos cidadáns co seu propio entorno. A suma de experiencias, movementos, emocións e memorias asociadas a estes espazos é o que constrúe a nosa propia percepción do entorno urbano.

Esta percepción non é unha foto estática, senón unha suma de “instantáneas” que os veciños recolleron, significaron e comunicaron a través do seu vídeo.